డిప్లొమా ఇన్‌ ఎలిమెంటరీ ఎడ్యుకేషన్‌ (డీఈఐఈడీ), డిప్లొమా ఇన్‌ ప్రీ స్కూల్‌ ఎడ్యుకేషన్‌ (డీపీఎస్‌ఈ) కోర్సుల్లో 2023 -25 విద్యా సంవ‌త్స‌రానికి గానూ ప్రవేశాలకు నిర్వహించే డీఈఈసెట్‌-2023 నోటిఫికేషన్ శుక్ర‌వారం విడుద‌లైంది. డీఈఈ సెట్ ఎగ్జామ్‌ను జూన్‌ 1న నిర్వహించనున్నట్లు క‌న్వీన‌ర్ ఎస్‌ శ్రీనివాసచారి ఒక ప్రకటనలో తెలిపారు. రెండేండ్ల వ్యవధి గల ఈ కోర్సులో ప్రవేశ పరీక్షను కంప్యూటర్‌ బేస్డ్‌ టెస్ట్‌ (సీబీటీ) పద్ధతిలో నిర్వహిస్తామన్నారు. అర్హులైన అభ్య‌ర్థులు శ‌నివారం నుంచి మే 22వ తేదీ వరకు ఆన్‌లైన్‌లో దరఖాస్తు చేసుకోవచ్చు. తెలంగాణలో మే 18 ఎడ్ సెట్, మే 20, 25 తేదీల్లో లాసెట్ పరీక్షలు జరగనున్నాయి. అయితే, ఈ రెండు ప్రవేశ పరీక్షలకు దరఖాస్తు చేసుకునేందుకు గడువు పొడిగించారు. ఎడ్ సెట్ దరఖాస్తులకు ఏప్రిల్ 20తో గడువు ముగియగా, ఈ నెల 25 వరకు పొడిగించారు. లా కోర్సులో ప్రవేశాలకు తెలంగాణ లాసెట్-2023కు ఆన్‌లైన్‌ దరఖాస్తు ప్రక్రియ కొనసాగుతోంది. ఆలస్య రుసుం లేకుండా లాసెట్‌కు ఏప్రిల్ 29 వరకు పెంపొందిస్తూ లాసెట్ కన్వినర్ ప్రకటించారు.
డీఈఈసెట్‌-2023 నోటిఫికేషన్ విడుదల
